Инструктор за професионален и личен развој
Ти си чудесно, уникатно и оригинално човечко битие.
Затоа програмата ја развивам околу твоите специфични потреби и сè што потенцијално влијаело врз твоите избори: биологија, емоции, минато, семејство, гени и опкружување.
Како стратешки инструктор, тука сум да ти помогнам да:
-
разбереш јасно ШТО сакаш (твојата поента)
-
разбереш ЗОШТО го сакаш тоа
-
развиеш и спроведеш ПЛАН со кој ќе стигнеш од каде си до каде што сакаш да бидеш
Веќе знаеш што треба да се смени – твојата работа, токсична врска, крај со лошите навики. Можеби дури и за кратко ти успеало, но некако пак се враќаш на старите навики.
Не се грижи, во човечката природа е да се вратиме кон она што ни е познато и удобно. Многу луѓе посакуваат промени, но ретко кој е подготвен да се менува. Едноставно бидејќи при даден избор помеѓу помалку болка и повеќе задоволство, луѓето секогаш ќе ја изберат опцијата која нуди помалку болка.
Нема да ти ветувам дека ќе биде лесно. Ќе бара труд, дисциплина и искреност. Но овојпат, ќе биде поинаку.
Ме имаш МЕНЕ.
Јас ќе те држам за зборот. Ќе се појавувам и кога ти нема да сакаш - да те поддржам, кренам, поттурнам. И нема да се откажам. (Освен од пушење – ама тоа не го откажав, туку свесно решив да престанам.)
Замисли ме како ПОМОШНИ ТРКАЛА – ќе бидам со тебе се дур не се осигураш дека можеш самоуверено и САМОСТОЈНО да возиш по свесно избраниот пат.
Стратешка интервенција
Стратешката интервенција се фокусира на хуманизам и почитување на моќта на личен избор. Не си предмет кој е моделиран и предусловен од некои надворешни сили - независно од ситуацијата и околностите, секогаш имаш слобода на избор. Секогаш постојат опции, алтернативни патишта и различни перспективи на било кој предизвик, само треба да бидеш отворен за можностите.
Но, со слободата на избор, доаѓа и целосната одговорност за последиците од направениот избор. Едно е да речеш дека си донел/а одлука за промена. Но, за да постигнеш трајна промена, мораш да продолжиш да ја носиш таа одлука, секој ден. Сите активности, сите избори, треба да ги правиш во насока на и согласност со таа одлука.
Имаш обврска да бидеш тука за себе. Чекор по чекор, конзистентно, секој ден, се додека не се претвори во твоја здрава навика и едноставно твој начин на живеење.
Мисија
Позитивно да поттикнувам индивидуи да ја прифатат својата автентичност, да развијат самодоверба и храброст за да ја користат својата слобода на личен ибор, да преземат одговорност за личните избори, и конечно да постигнат чувство на професионална и лична исполнетост.
Визија
Се стремам кон иднина каде што поединците ќе ја прифатат нивната заедничка хуманост, вреднувајќи ја автентичн оста и добрината. Во оваа иднина, преку емпатијата и одговорноста како водилка за нашите постапки, ќе ги премостуваме разликите, и ќе создадеме глобална заедница која ги прифаќа различностите, ги почитува индивидуалните искуства и работи заеднички за општата благосостојба.